గోరింటాకు ఉపయోగాలు మరియు సాంప్రదాయము(Mehndi uses and Tradition)
“ప్రకృతియే ఒక గొప్ప సహజ వైద్యుడు”. ఇది భూమిపైన బాగా తెలిసిన బొటనికల్ లో ఒకటి ఈ గోరింటాకు. గోరింటాకు అనేది ఒక సాధారణ ఆయుర్వేద మూలిక. గోరింటాకును పవిత్రంగా ఆరాధిస్తారు. గోరింటాకు ఒక ఆచార కళా రూపం. మహిళల సుమంగళికి సాంప్రదాయంగా ఆచరిస్తారు. గోరింటాకును మెహందీ, హెన్నా అని పిలుస్తూ ఉంటారు. మెహందీ నుండి ఉద్బవించిన సంస్కృత పదం “మెందికా”, తమిళంలో “మారుతాని” గా పిలుస్తారు. ప్రధానంగా భారత ఉపఖండంలో సాధన చేయబడిన “మెహందీ” అనేది మన చర్మ అలంకరణ యొక్క తాత్కాలిక రూపం. గోరింటాకు అలంకరించుకోవడం వేద ఆచారం అని, తొలి హిందూ వేద కర్మ పుస్తకాలలో వివరించబడింది. వేద ఆచారాలు “అంతర్గత కాంతిని మేల్కొల్పడం” అనే ఆలోచనపై గోరింటాకు కేంద్రీకృతమై ఉంది.
గోరింటాకును సాంప్రదాయ వైద్యంలో ఉపయోగించే వివిధ భాగాల(కాండం, బెరడు, వేర్లు, పువ్వులు మరియు విత్తనాలు) కోసం సాగు చేస్తారు. ఇది ఉష్ణమండల ప్రాంతాల్లో పెరుగుతుంది. గోరింటాకు యొక్క ప్రయోజనాలు భారతదేశ ఆయుర్వేద, సిద్ద, యునాని, మరియు చైనీస్ వైద్య చరిత్రలో క్లుప్తంగా వివరించారు.
గోరింటాకు మన సాంప్రదాయాల్లో ముఖ్యమైన భాగం. మహిళలు గోరింటాకును తమ చేతులకు, కాళ్లకు చాల వైవిధ్యమైన నమూనాలతో రకరకాల ఆకృతులతో డిజైన్స్ ను అలంకరించుకోవడం జరుగుతుంది. భారతదేశంలో ఉన్న ప్రతి రాష్ట్రంలోని ప్రజలు వాళ్ళ శుభకార్యాలకు, పెళ్లిళ్లకు, పండగలకు ఇలా ప్రతి వేడుకకు తగిన ఆకృతులతో అలంకరించుకోవడం వాళ్ళ ఆచార సాంప్రదాయంగా వ్యవహరిస్తారు. పెళ్లిళ్లకు ప్రత్యేకంగా గోరింటాకు వేడుకను జరపడం తరతరాల నుండి ఆచారంగా మారింది. సంతానోత్పత్తికి ప్రతీకగా అలంకరిస్తారు.
పాకిస్తాన్, నేపాల్, బంగ్లాదేశ్, మాల్దీవులలోని ప్రజలు మెహందీని ఉపయోగిస్తున్నారు. ఆప్ఘనిస్తాన్ లోని ముస్లింలు కూడా వయస్సు రావడానికి సూచనగా దీనిని ఉపయోగించడం ప్రారంభించారు.
మెహందీకి పర్యాయపదాలు ఏమిటి(What are the synonyms of Mehndi)?
లాసోనియా ఇనర్మిస్, నిల్ మదయంతిక, మెహదీ, హెన్నా, మెండి, మెహందీ, గోరంత, కొరటే, మదరంగి, మైలనేలు, మెహందీ, మరుదుం, గోరింటా, హీనా
మెహందీకి మూలం ఏమిటి(What is the source of Mehndi)?
మొక్కల ఆధారిత
ఆషాడ మాసంలో గోరింటాకు సాంప్రదాయం(Mehndi tradition in Ashada masam) :
ఆషాడ మాసం అనగానే ముందుగా మనకు గుర్తుకు వచ్చేది “గోరింటాకు” మాత్రమే. ప్రతి మహిళ చేతులు గోరింటాకుతో నిండిపోవాల్సిందే. అయితే ఇది కేవలం అందానికి మాత్రమే కాదు, ఎన్నో ఆరోగ్య ప్రయోజనాలను కలిగి ఉంది. మన వాతావరణం అనుగుణంగా ఆషాడ మాసంలో వర్షాలు పడుతుంటాయి. దీంతో వాతావరణం అంత కూడా చల్లగా మారుతుంది. సూక్ష్మక్రిములు పెరిగి అంటువ్యాదులు పెరిగే అవకాశం ఉంటుంది. అలాగే మన శరీరం బయటి వాతావరణానికి సమానంగా మారదు. దీని వల్ల వార్షాల తాకిడికి వాతావరణం చల్ల బడుతుందే కానీ శరీరంలో వేడి ప్రభావం తగ్గదు. అందుకోసమే గోరింటాకును అలంకరించుకోవడానికి ఎక్కువ ప్రాధాన్యం ఇవ్వడం అనేది మన ఆచారంగా ప్రాచుర్యం పొందింది.
ఎందుకంటే, గోరింటాకులో వేడిని తగ్గించే గుణం ఉంటుంది. అంతేకాకుండా, రోగనిరోధక శక్తిని పెంచి రక్తప్రసరణను సక్రమంగా నిర్వహించేలా చేస్తుంది. మన చేతి మరియు కాళ్ళ గోర్లకు కూడా ఒక రక్షణ కవచంలా గోరును ఆరోగ్యముగా ఉండేలా కాపాడుతుంది. ఆషాడం వెనక ఉన్న రహస్య ఆచారం ప్రకారం, ఆషాడంలో ప్రతి ఒక్కరు గోరింటాకు పెట్టుకోవాలని పెద్దలు చెప్పే మాట.
జుట్టు కోసం హెన్నా ప్రయోజనాలు(Henna uses for hair)
ఇంగ్లీషులో “హెన్నా” అని పిలుస్తారు. ఇది అరబిక్ నుండి వచ్చింది. హెన్నా అనేది “లాసోనియా ఇనర్మిస్” అనే మొక్క నుండి తయారైన సహజ రంగు. లాసోనియా జాతికి చెందిన ఏకైక జాతి మొక్క. హెన్నా ఆకులు చాలా ప్రయోజనాలను కలిగి ఉంది. హెన్నా ఆకుతో పాటుగా దాని బెరడు కూడా లాభాలను చేకూరుస్తుంది. హెన్నా ఆకులను పొడి రూపంలో లేదా పేస్ట్ రూపంలో అనేక రకాలుగా, ఎన్నో కారణాలకు ఉపయోగిస్తుంటాం. హెన్నా బ్లాక్ లేదా గోధుమ రంగులో ఉంటుంది. చేతులకు మరియు కేశాలకు హెన్నాను ఉపయోగించడం వల్ల ఎర్రగా లేదా గోధుమ రంగులో పండటం దీని ప్రధాన లక్షణముగా వ్యవహరిస్తారు. దీనిని అనేక సౌందర్య సాధనాల( జుట్టు రంగులు మరియు జుట్టు సంరక్షణ ఉత్పత్తులు)లో వినియోగిస్తున్నారు. సౌందర్య గుణాలే కాకుండా అనేక ఆరోగ్య ప్రయోజనాలను అందిస్తుంది.
హెన్నా పేస్ట్ జుట్టుకు అప్లై చేయడం వల్ల జుట్టుకు సంబంధించి అన్ని రకాల సమస్యలను నివారించడంలో ఉపయోగపడుతుంది.
- జుట్టు పెరుగుదలను ప్రోత్సహిస్తుంది.
- నూనె స్రావాలను నియంత్రిస్తుంది.
- గోరింటాకు యాంటీ ఫంగల్ లక్షణాలు కలిగి ఉండడం వల్ల చుండ్రుతో పోరాడి, తగ్గిస్తుంది.
- గోరింటాకులో ప్రోటీన్ లు ,యాంటీఆక్సిడెంట్లు మరియు విటమిన్ “ఇ” వంటి హెయిర్-ఫోర్టిఫైయింగ్ ఎలెమెంట్స్ ఉన్నాయి. దాని వల్ల జుట్టు డామేజీని రిపేర్ చేసి, జుట్టు ఆరోగ్యాన్ని పెంచుతాయి.
- గోరింటాకు ఒక సేంద్రియా మూలికా పదార్థం. సాధారణంగా అందరికి వచ్చే తెల్ల జుట్టు (గ్రేయింగ్)ను నివారిస్తుంది. జుట్టు నెరసి, మరియు వృద్ధాప్యాన్ని కప్పి ఉంచడానికి అద్భుతమైన డైయింగ్ ఏజెంట్.
- జుట్టు రాలడాన్ని నివారిస్తుంది. మరియు బట్టతల సమస్య తో బాధపడే వారికి గోరింటాకు మిశ్రమం యొక్క రసం లేదా నూనెను పెరుగులో వేసి ఆపై మీ జుట్టుకు అప్లై చేయడం వల్ల ఇది చికిత్స యొక్క సామర్ధ్యాన్ని పెంచుతుంది.
రాత్రుల్లో నిద్రించే ముందు హెన్నా పేస్ట్ ను పాదాలకు అప్లై చేయడం వల్ల శరీరంలో వేడి ని తగ్గిస్తుంది. ఇది చాల ప్రభావంతంగా ఉపయోగపడుతుంది అని నిరూపణ జరిగింది. వాపును తగ్గించడానికి ఒక యాంటీఇన్ఫ్లమ్మెటరీ గా ఉపయోగపడుతుంది. శరీరంలో ఎక్కడైనా వాపు కలిగి ఉంటె దానిపై హెన్నా పేస్ట్ ను అప్లై చేయడం ద్వారా వాపు తగ్గడం మీరు గమనించవచ్చు.
చేతులపైనా పెట్టుకునే గోరింటాకు లాభాలు(henna benefits on hands) :
- సహజ శీతలీకరణం(A natural coolant) : శరీరాన్ని చల్లగా ఉంచుకోవడం కూడా చాల ముఖ్యం. ఇందుకోసం ప్రత్యేకంగా కూడా గోరింటాకును ఉపయోగిస్తారు. గోరింటాకు సహజ శీతలీకరణ చేసి, అధిక వేడిని తగ్గించడానికి సహాయం చేస్తుంది. మరియు తలనొప్పి, కడుపునొప్పి నుండి కూడా ఉపశమనాన్ని కలిగిస్తుంది.
- చర్మ వ్యాధులు(Skin diseases) : గోరింటాకుల పేస్ట్ చర్మంపై కాలిన గాయాలు, దద్దుర్లు వంటి అనేక చర్మ వ్యాధులు గోరింట సహాయంతో నయమవుతున్నాయి. చర్మ సమస్యలకు చికిత్స చేసే ఆయుర్వేద పద్దతులలో “కుష్టు వ్యాధి”ని కూడా గోరింట పేస్ట్ తో నయం అవుతుందని అంటారు. అలాగే, “బొల్లి”ని నయం చేయడానికి హెన్నా పౌడర్ ను ఉపయోగిస్తారు అని చెప్తున్నారు.
- వృద్ధాప్య లక్షణాలు(Anti-Aging properties) : గోరింటాకు యొక్క యాంటీఆక్సిడెంట్ సామర్ధ్యాన్ని విస్తృతంగా అధ్యయనం చేయనప్పటికీ, గోరింటాకు నూనె అనేది ఒక “ఆస్ట్రిజెంట్” గా నిరూపణ జరిగింది. ఇది శరీరం యొక్క అతి ముఖ్యమైన అవయవం అయిన చర్మాన్ని రక్షించడానికి యాంటీవైరల్ మరియు యాంటీ బాక్టీరియల్ ఎఫెక్ట్స్ ద్వారా సంపూర్ణముగా పని చేస్తుంది. దీని వలన కొంతమంది వృద్ధాప్యం మరియు ముడతలు, వికారమైన సంకేతాలను తగ్గించడానికి చర్మంపై గోరింటాకుల రసం మరియు నూనెను ఉపయోగించారు.
- జ్వరాన్ని తగ్గిస్తుంది(Might reduce fever) : ఆయుర్వేద ప్రకారం, గోరింటాకు జ్వరాన్ని కూడా తగ్గించడం లో ఉపయోగపడుతుంది. గోరింటాకు చెమటను ప్రేరేపించడం మరియు జ్వరాన్ని సమర్థవంతంగా తగ్గించడం లేదా శరీరాన్ని చల్లబరచడం లేదా కొంత ఉపశమనం కలిగించడం ద్వారా దీనిని సాధించగలదు. గోరింట ఆకులను నీటితో ఒక బంతిలో చుట్టి, రెండు చేతుల అరచేతుల మధ్యలో ఉంచడం వల్ల శరీర ఉష్ణోగ్రత గణనీయంగా తగ్గుతుంది.
- క్రిమినాశక లక్షణాలు(Antiseptic properties) : గోరింట డిజైన్ మరియు దాని నుండి పొందే రంగు మాత్రమే కాక, మర్మమైన ఆరోగ్య ప్రయోజనాలను కలిగి ఉంది. శరీరంలో క్రిమినాశక లక్షణాలకు పూర్తిగా సహాయపడుతుంది. శరీరం యొక్క రక్తప్రసరణను సక్రమంగా నిర్వహించేలా ఉపయోగపడుతుంది.
- ఆర్థరైటిస్ మరియు వైరల్ కి వ్యతిరేకంగా ఏజెంట్(Agent against arthritis and viral) : గోరింటాకు ఒక యాంటీ ఇన్ఫలమేటరీ గా పని చేస్తుంది. ఆర్థరైటిస్ యొక్క నొప్పి అనేది చాలా చరించలేనిదిగా, భాదించేదిగా ఉంటుంది. అందుకే హెన్నాను ఆర్థరైటిస్ నొప్పి కోసం ఉపశమనం పొందడానికి విస్తృతంగా ఉపయోగిస్తున్నారు. మన శరీరంలో అంతర్లీనంగా నొప్పికి కారణమయ్యే వాపు, నరాల వాపును కూడా నివారిస్తుంది. వైరల్ సమయంలో శరీర ఉష్ణోగ్రతను తగ్గించడానికి ఈ ప్రయోజనం ఉపయోగిస్తారు.
- మానసిక ప్రభావాలు(psychological effects) : పిట్టా అనేది మన శరీరంలోని శక్తులలో ఒక దాన్ని సూచించడానికి ఉపయోగించే ఆయుర్వేద పదం. పిట్ట అనే పదానికి “అగ్ని” అని అర్ధం. శరీరంలోని జీవక్రియ వేడిని సూచిస్తుంది. వివిధ రకాల శారీరక రుగ్మతలకు దారి తీయడమే కాకుండా ఒత్తిడి, చికాకు, కోపానికి దారి తీస్తుంది. హెన్నాలోని క్రిమినాశక లక్షణాలు ఈ శక్తి యొక్క సహజ సామరస్యాన్ని కాపాడుకోవడంలో సహాయపడుతాయి. గోరింట యొక్క లక్షణమైన సువాసన మన మనస్సులను కూడా చల్లబరుస్తుంది.
- చర్మ వ్యాధి నిరోధక ఏజెంట్(Anti skin ailment agent) : గోరింటాకును మన చేతులపై పెట్టుకోవడం వల్ల వివిధ రకాల చర్మ సంబంధ వ్యాధులకు అరికట్టడంలో సహాయపడుతుంది. ఇది యాంటీ బాక్టీరియల్ లక్షణాలను కలిగి ఉండడం వల్ల, చర్మం యొక్క దురద, తామర, గజ్జి వ్యాధులను వ్యాప్తి చెందకుండా ప్రభావంతంగా పని చేస్తుంది. శరీరం పైన కాలిన గాయాలను మాన్పడంలోనూ అలాగే గాయాల దగ్గర రక్తం గడ్డకట్టే ప్రక్రియను వేగవంతం చేయడంలో సహాయపడుతుంది.
- రక్తపోటును అదుపులో ఉంచుతుంది(Normalizes blood pressure) : చేతులకు గోరింటాకు పెట్టడం ద్వారా రక్తపోటును నిర్వహించడంలో సహాయపడుతుంది. ఇది రక్తం యొక్క సరైన ప్రవాహాన్ని అనుమతిస్తుంది. మరియు నేరుగా గుండె ఆరోగ్యాన్ని కాపాడుకోవడంలోను సహాయపడుతుంది.
- కామోద్దీపనగా(As an Aphrodisiac) : చేతులకు గోరింటాకు వల్ల తెలియని ప్రయోజనాలు కూడా ఉన్నాయి. వివాహాది శుభకార్యాల సమయంలో భారతదేశంలో గోరింటాకును ఒక ఆచారంగా విస్తృతంగా ఉపయోగిస్తారు. ఎందుకంటే దానిలోని కామోద్దీపన లక్షణాలు కలిగి ముఖ్యమైన కారణాలలో ఒకటిగా ఉంది. ఇది జంటల మధ్య ప్రేమ అనుభూతిని పెంచుతుందని అర్ధం. లవంగం నూనె మరియు యూకలిఫ్టస్ వంటివి గోరింటాకు కు జోడించబడి ఇతర వస్తువులు కూడా చాలా ప్రయోజనకరంగా ఉంటాయి.
- గోరు నాణ్యతను మెరుగుపరుస్తుంది(Improve the nail quality) : గోళ్ళ కింద ఉండే క్యూటికల్స్ మరియు స్పేస్ ఇన్ఫెక్షన్, బాక్టీరియా ఉనికికి ప్రధాన ప్రదేశాలు. అందుకే, గోరింటతో గోళ్లకు చికిత్స చేయడం తెలివైన ఎంపిక అంటారు. గోళ్లకు గోరింటాకును పూయడం ద్వారా గోర్ల పగుళ్లు కానీ, నొప్పి, మంట, ఇతర ఇన్ఫెక్షన్స్ ఏవైనా ఉన్న వాటి నుండి విముక్తిని కలిగిస్తుంది.
- నిద్ర సమస్యలను తగ్గించవచ్చు(May reduce sleep issues) : మీరు నిద్రలేమి లేదా దీర్ఘకాలిక విశ్రాంతి లేమితో భాదపడుతున్నట్లయితే, మీ మూలిక నియమావళికి ఈ నూనెను కొంచెం జోడించడం వల్ల శరీరం మరియు మనస్సును ప్రశాంతంగా ఉంచడం తో సరిఅయిన నిద్రను పొందుతారు. హెన్నా ఆయిల్ అనేది కొన్ని నిద్ర రుగ్మతలను తగ్గించడంలో సహాయపడుతుంది.
- నిర్విషీకరణ(Detoxification) : కాలేయం శరీరానికి కీలకమైన రక్షణగా పని చేస్తుంది. మరియు శరీరంలో పేరుకుపోయిన టాక్సిన్లను సహాయపడుతుంది. కాలేయం ఆరోగ్యాన్ని నిర్దారించడం ద్వారా మీరు అనేక ఇతర ఆరోగ్య పరిస్థితులను నివారించవచ్చు. ఇందుకోసం, హెన్నా బెరడు లేదా ఆకులను నీటిలో నానబెట్టి, ఆపై ద్రవాన్ని తీసుకోవడం ద్వారా ప్లీహం మరియు కాలేయం ఆరోగ్యాన్ని మెరుగుపరిచే అవకాశం ఉంటుంది. అయితే ఏదైనా హెన్నా ఉత్పత్తిని తీసుకునే ముందు, ఆరోగ్య సలహా కోసం లైసెన్స్ పొందిన హెర్బలిస్ట్ ను సంప్రదించండి.
హెన్నా సురక్షితమేనా (Is Henna safe)? :
గోరింట ఆకులో చాల రకాలు సంపూర్ణముగా సురక్షితమైనవి మరియు విషపూరితం కానివి. అయితే నల్ల గోరింటాకు కొంత ఎలెర్జి కారకాన్ని కలిగి ఉంటుంది. హెన్నా ఆధారితంగా చెప్పుకునే హెయిర్ డైస్ లో అప్పుడప్పుడు ఇతర రసాయనాలను కలిగి ఉంటుంది. అవి సున్నితమైన చర్మం ఉన్నవారికి సరి కాకపోవొచ్చు. కాబట్టి లేబుల్ ను జాగ్రత్తగా చదవండి. అలాగే హెన్నా నీరు లేదా విత్తనాల మిశ్రమం ఏదైనా తీసుకునే ముందు జాగ్రత్త వహించండి. అలాగే గర్భిణీ స్రీలు దాని వాడకాన్ని నిరోధించాలి. ఎందుకంటే, ఇది గర్భస్రావం కలిగించే టెరాటోజెనిసిటీ లక్షణాలను కలిగి ఉండవచ్చని ఒక అధ్యయనం వెల్లడించింది.
గోరింటాకు అనేది మన చేతులకు గాని, జుట్టు కోసం గాని, ఆరోగ్య ప్రయోజనాల కోసం గాని ఉపయోగించే ముందు స్వచ్ఛమైన గోరింటాకు పొడిని ఎంచుకోండి. మార్కెట్లో లభ్యం అయ్యే హెన్నా ఉత్పత్తులను తీసుకోవాలి అనుకుంటే, ఏ ఉత్పత్తి ఎంతవరకు మీకు లాభదాయకంగా ఉంటుంది పరీక్షించండి. ఆరోగ్య ప్రయోజనాల కోసం అయితే మంచి హెర్బలిస్ట్ ను అడిగి తెలుసుకొని ఉపయోగించడం శ్రేయస్కరం.
హెన్నా మరియు ఇతర మూలికలను కలపడానికి ఒక వ్యవస్థ.
గ్లూకోజ్-6-ఫాస్ఫేట్ డీహైడ్రోజినేస్ లోపం (G6PD లోపం) ఉన్నవారికి హెన్నా ప్రమాదకరమని అంటారు. ఇది ఆడవారి కంటే మగవారిలో ఎక్కువగా కనిపిస్తుంది. ముఖ్యంగా మధ్యప్రాచ్యం మరియు ఉత్తర ఆఫ్రికా నుండి నిర్దిష్ట జాతి సమూహాలకు చెందిన శిశువులు మరియు పిల్లలకు ముఖ్యంగా హాని కలిగి ఉంటారు.
వినియోగదారులు సహజ గోరింట పేస్ట్ యొక్క కొన్ని ఇతర ప్రతికూల ప్రభావాలను ఉదహరించినప్పటికీ, అప్పుడప్పుడు తేలికపాటి అలెర్జీ ప్రతిచర్యలకు (తరచుగా నిమ్మరసం లేదా పేస్ట్‌లో ముఖ్యమైన నూనెలతో సంబంధం కలిగి ఉంటుంది మరియు గోరింటాకు కాకుండా), ముందుగా మిక్స్డ్ కమర్షియల్ హెన్నా బాడీ ఆర్ట్ పేస్ట్‌లు బహిర్గతం చేయని పదార్థాలను కలిగి ఉండవచ్చు. మరకను ముదురు చేయడానికి లేదా మరక రంగును మార్చడానికి జోడించబడింది. ప్రీ-మిక్స్డ్ పేస్ట్‌లో ఉండే ఆరోగ్య ప్రమాదాలు ముఖ్యమైనవి. యునైటెడ్ స్టేట్స్ ఫుడ్ అండ్ డ్రగ్ అడ్మినిస్ట్రేషన్ (FDA) ఈ ప్రమాదాలను కల్తీగా పరిగణిస్తుంది మరియు అందువల్ల చర్మంపై ఉపయోగించడం చట్టవిరుద్ధం.
కొన్ని వాణిజ్య పేస్ట్‌లు గుర్తించబడ్డాయి : p-ఫెనిలెన్డియమైన్, సోడియం పిక్రామేట్, ఉసిరికాయ, సిల్వర్ నైట్రేట్, కార్మైన్, పైరోగల్లోల్, డిస్పర్స్ ఆరెంజ్ డై మరియు క్రోమియం. ఇవి వెంట్రుకలను దువ్వి దిద్దే ఉత్పత్తులు మరియు వస్త్ర రంగులకు అలెర్జీ ప్రతిచర్యలు, దీర్ఘకాలిక శోథ ప్రతిచర్యలు లేదా ఆలస్యంగా ప్రారంభమయ్యే అలెర్జీ ప్రతిచర్యలకు కారణమవుతాయని కనుగొనబడింది.
శతాబ్దాలుగా, మెహందీని-శరీరంపై గోరింట పెయింటింగ్ కళ- ప్రేమ, అదృష్టం, శ్రేయస్సు మరియు చెడు నుండి కాపాడుతుందని నమ్ముతారు.
